這晚我們去酒店斜對面的麗晶海鮮酒家食飯（這張是補拍照）。之前導遊一直說酒店餐廳，其實它只在酒店地下，我也不肯定是不是酒店一部分。澳洲雖然盛產海鮮，不過講到食，澳洲人又點及中國人？他們只懂得炸，沒有中國人咁多烹調方法，所以食海鮮還是要去中式酒家。
先來湯、蛋和菜：
這晚有自費項目：鮑魚和加菲蟹。加菲蟹很大，要有返咁上下多人先可以叫。高血壓的導遊說一直忍口也要吃這個鮑魚，令到我們很心動（但最後賣晒佢無得食，好慘！）。結果大部分人也點鮑魚，無人提起加菲蟹，始終我們個團太少人，見隔離個永安團約三十人先叫到。
如果無記錯，這個鮑魚有我手掌咁大，要60澳元一隻，仲要用刀叉，真大場面，食完都飽飽地。我自己不好鮑魚，也有想過可能因為我未食過靚鮑魚所以先唔鍾意食，一場來到點都要試下。我問朋友呢個係咪好食，佢話係，嗯，咁我真係可以肯定我唔鍾意食鮑魚，只怪自己賤命一條。
即使唔加鮑魚，其實都有其他美食，例如袋鼠肉和蝦。吃過的朋友便知道，其實袋鼠肉和牛肉分別不大。導遊話澳洲曾經有段時間太多袋鼠，牠們經常跳出馬路，即使要殺也殺不掉這麼多，索性將袋鼠作為肉食出口，一石二鳥。雖然不是特別好吃，但始終是個綽頭，有一定吸引力。
食海鮮少不了魚，平時少吃魚的我見到魚特別興奮。右面該是西芹炒牛肉吧？
因為搭了內陸機，時間也夜了，便直接返酒店。
第二朝落酒店食早餐，間餐廳幾靚，相比之前兩間，食物最多款，人流多很多。食飽又再出發！
