明知叫餐無散叫咁好食，但一個字－懶，而且兩個人好難叫，還是叫了個有多項選擇的二人餐。
先來原盅竹笙燉雞，好勁雞味：
鎮江肴肉，老實說太耐了，唔記得咩味：
翠瓜醬炒牛肉，我鍾意瓜多過菜：
上海炒粗麵，已經好飽了：
桂花拉糕，仲以為係透明的，這個不好吃：
各自飲了凍豆漿、橙汁（餐牌寫要二人飲同款的，莫名其妙），再加各自選的茶葉（如無記錯，此店一般收$12茶水，跟餐好似唔計），埋單大約$240。這裡如果坐唔到卡位會比較嘈，這晚隔離很嘈的兩個女人幸好在我們食到一半就走了，否則我實叫（因為怕朋友聽不到）到聲沙。
地址：銅鑼灣廣場一期三樓
其實這餐飯無乜特別，最好笑係我和朋友的對話。
話說朋友是一個對任何事情都無興趣的人，大概因為這樣，她才能在內地工作也不覺得悶。有一天，她的電視睇唔到，唔緊要，唔睇；有一天，她連碟都睇唔到，唔緊要，唔睇；有一天，她上網有問題，唔緊要，唔上。咁放工食完飯仲有咩好做？或者睇下書雜誌就上床，哦。
或者你會不明白，一個人點會對任何事情沒興趣不奇怪啊！此言差矣！試想想，一個人再沒嗜好都好，多少也會鍾意甚至沉迷最少一樣事物，空閒時間都投資上去，無聊極都會睇電視上網（咳咳，我話我自己咋）。有一天如果無得你做，你會周身唔聚財，甚至最終唔知點好而早早上床。
我：其實你這種對任何事情都無興趣的人，識朋友有點困難，正如Y（我們的共通朋友）講過，佢話你無咩特別鍾意玩，有咩玩都諗唔起叫你。
她：係啦，唔夠人湊腳就有人叫我囉！（唉呀，咁都被你識穿，仲以為你唔知）都唔知阿媽點解生成我咁。
我：哦？你哥哥家姐都係咁嗎？
她：唔係呀！
我：咁即係唔關你阿媽事，係你個人問題啦！你個衰女賴阿媽！
天呀！點解我會識咁樣o既人～
註：睇過我舊Blog上海蘇杭之旅的朋友記唔記得有人煮完紅豆沙食唔晒一直雪在雪櫃？就係佢！
