揀了好一輪，最終敲定九龍酒店。我俾相另一個朋友睇，佢睇完之後話「唔精緻」，一語中的。
事實上，去到我發現好很多熱的食物，甜品卻有點弱雞，我和某些舊同事也感到失望。
不過諗返轉頭，可能係我o地搞錯，因為佢係「下午茶自助餐」，唔係「甜品下午茶自助餐」。
睇下我食o左咩：
吞拿魚刺身、壽司、Waffle（不要問點解會放在同一碟，因為我在哪裡好迷茫）。
素鵝（韌到咬唔開）、魚、X酥（好似係蠔？）、炸蝦餅、咖哩羊、菜、瓜（補充纖維的大好機會）。
疏乎厘（食食下，咦？點解鹹的？原來係蝦（好似係蝦）瑤柱疏乎厘…）。
桃薄餅。
Chocolate Mousse。
另外還吃了沙律、麵包布甸（我的至愛，每次見到必食！）、桂花糕、芒果拿破崙（唔掂）、芝士蛋糕，但相片out-focus，不放出來了。
雖然食物一般，但同一大班舊同事開開心心食餐勁，吹下水，好開心呢！
比較差的是時間是三時至五時，坐到五點三，酒店便關燈催促我們離開，兩個鐘其實唔夠我o地傾呢！
因為做緊優惠，每位折實約$150（連加一），不過有機會再食，記得一定要食甜品自助餐！
