榕樹灣之團團轉

月初三人行，本來目標是遊覽南丫島，由榕樹灣盪到索罟灣，可惜因行錯路，又趕住返出市區，結果只在榕樹灣團團轉。

搭了35分鐘船，一出碼頭無耐先行錯一小段路，然後行呀行呀行，見到有檔小食店，不如吃點小食順便抖抖：



聽講南丫島有檔豆腐花好正，應該唔係呢檔，但有人急不及待要食了：



我諗住一陣都要食豆腐花，而家唔食住，叫了自製涼粉：



竟然有人叫車仔麵，唔係食了早餐先入來嗎？



再行呀行呀行，來到真正出名豆腐花的阿婆豆花。阿婆在家，只有阿伯一個看檔：

根據剛才食豆花的人所說，剛才那檔豆花也好味，但和平常吃的一樣。但這檔的吃起來好似實些，多料些，好飽肚，因為它的配方有點不同。個人認為，兩者只是風味不同，後者比較特別，但唔係話好好食。

食飽飽後往山上行，目的地是南丫風采發電站，未上到去已經聽到風葉轉動的聲響：

聽聞這是香港僅有的一個風力發電站，供應電量佔香港用電量很小比例。風力發電雖然環保，但也要大風的地方才有用，而且要考慮輸電成本。香港還是試驗階段，以現時的趨勢來看，短期內也不會大力發展。

參考網站請按此。

風力發電站旁邊有條小路上到一個亭，可以看到鴨脷洲：

途中也看到普通的南丫發電廠：

然後我們因為太過信任香港政府，跟隨指示亂咁走，直到走到無路，經過山墳，才不憤氣走回頭。那些路行落來的時候我已經覺得好斜，點知咁黑之後仲要上返去，媽～途中看到這個，不要問我是什麼地方，我也不肯定，總之是南丫島啦，哈哈！

由於時間關係，唔夠時間行去索罟灣，唯有忍痛返去榕樹灣。但我們依然有一個鐘去了Shelly Cake Express食件Cake。這裡的Cake清一色是Cheese Cake，聽講豆腐Cheese Cake最出名。但一想到又是豆腐，我就叫了薰衣草Cheese Cake，兩款都好味喎！當然我覺得自己叫的好味D！

門口掛了不同造型的薑餅，有男人、女人、聖誕樹同聖誕襪，不過我都係覺得睇好過食，所以唔捨得買！

最後我們飛跑上船，就咁就離開了南丫島。有機會的話，我希望去埋索罟灣睇下有咩好地方。

溫馨提示：岸邊經常有廁所，但上了山就未必，見到有廁所就好好享用了。