這裡主打咖啡甜品，也有沙律三文治等散餐，不過也有款式不多的飯和意粉。
懶得諗，加上經濟原則，聽侍應的介紹要晚餐。不過老實講，一坐低佢講咁多我真係收唔到～
先來西蘭花湯：
然後是茄汁煙肉意粉，兩樣也不過不失，夾埋$68：
不過，我志不在此，我來是吃蛋糕的！加$20可以任揀蛋糕。我掙扎揀Mont Blanc（類似栗子山）還是rice盛讚的七層朱古力蛋糕，侍應說Mont Blanc女仔食可能覺得膩，咁好啦，我要後者（對不起，餐廳調暗了燈光，我部電話影唔出一層層）：
我也沒有深究有邊七層，因為叉子不敵最頂的一層，最後第一層完全無食…難得的是全朱古力蛋糕，滿足得來又不膩。
再加$15試埋Cappuccino：
很滿足的一餐，滿足在份量，味道反而覺得一般，可能因為左右兩邊的人客都好嘈，令我無法全情投入星期五放工後應有的心情，可惜可惜。結果飽得我行了返屋企，再踩單車，先覺得消化了，嘻嘻～
地址：灣仔永豐街12-14號（太古廣場三期，星街一帶）
