朋友記不清之前係咪食過這間，我們還是進去了，門口的剪報（尤其是蔡san）居功不少。
這裡坐位幾唔舒服，例如我們坐的四人枱，兩個座位係有得挨，兩張係圓櫈，搭抬都唔緊要，佢仲竟然可以在枱的兩端加多個位，枱面只係剛好夠放食物。側邊仲有面壁思過位，加上人多，絕對係食完就要走，想坐多陣都唔好意思。
算吧！最緊要都係好唔好食。因為太興奮，諗起影相時已殺掉不少前菜，份量不多，但勝在多款。右邊是韓式炒年糕，同韓國街邊檔吃的不同，韓國街邊檔吃的較濕較腍，這個比較乾身，但唔夠腍，明顯係煮得唔夠耐。朋友認為即使用料由韓國運來，始終無法煮到韓國咁美味。
雜錦牛肉石頭窩飯，是最好味的，但朋友話整得好味無難度。
蒸泡菜餃子，起初仲擔心太辣，但無乜泡菜味，而且雖說是蒸，卻太乾。
炸醬麵，較為特別，朋友認為炸醬有牛腩湯味，我覺得個麵好得意，未食過這種麵。
整體完全唔辣，或者遷就了香港人口味，味道一般，唔多油，不過食完一直口渴，係咪多味精？
埋單二百五，價錢合理，不過前題係要唔介意食完即撇。
地址：尖沙咀金巴利街7號（金巴利街在加連威老道和金巴利道中間，近小肥羊轉入）
