因為同行有個大肚婆（唔係我！），所以很多食物都不能吃，我們咁有義氣當然逢陪到底啦！
先來滋補的花膠。印象中第一次食花膠，好味喎！
為了食菜，大肚婆提議食芥蘭炒肉片，沒想到也不錯喎：
見到別人的肉餅賣相不錯，我們也點了咸魚蒸肉餅，不過最後都無人掂舊咸魚：
朋友提議食柚皮，這間一點也不貴，不過我覺得上面的蝦子太濃味：
雖然店面不大，只坐到60人，但反而感覺好親切。
出乎我意料之外，店員態度異常良好，可能因為朋友經常幫襯的關係。
朋友還說這裡的盤菜好好味，朋友份人超級奄尖，斷估都無走雞。
朋友說很多菜式都好味（除了芝士薄荷骨），不過有大肚婆在場，得個恨字。
我們坐在出菜位，不斷的聞呀、睇呀，就是無得食…
朋友說平時不多人，這天卻滿座，不過我在Openrice見到話可以訂位。
他說平日下午這裡也做碟頭飯，等我搵日都要來試下！但廚師會唔會係唔同人呢？
埋單一人只是$100，這個份量、味道，真的好抵食啊！
地址：灣仔機利臣街14號基利大廈地下A舖（循道衛理教堂後面）
