尤其遇到有誠意而定價合理的店子更要多多支持，今次介紹的Greenfield Cafe是我頗喜歡的。
一：好味；二：平；三：環境OK，不過只有九個高枱位，去到無位可以轉去斜對面的寶鋒餐廳。
個人認為，紅色汁的比較好味， 這個好似是豬柳飯（無錯，又係影落好耐），通常我都會掃清：
白汁我覺得無咁好味，例如這個白汁雞肉飯，最後我少有的在Greenfield沒有吃光：
這天轉一轉口味，叫煙三文魚螺絲粉，幾清淡，不適合我這類食肉獸：
通常我會加$4補充一下水果，最鍾意係全部都切到差不多大小，可以同佢講要唔要沙律醬：
又通常我會加$1要即磨咖啡，好味！
午餐：主菜加湯／飲品$33，早餐下午茶也有很多選擇，但就無乜特別。
地址：中環皇后大道中189號地下（過埋星展銀行，陳意齋斜對面）
注意：星期日及公眾假期休息，不做晚市，設有外賣服務
