原本只想睇到暴力血腥的動作片，也許為了以IIB級上映而刪掉部分暴力血腥鏡頭，令到部戲到喉唔到肺。
故事背景是1970年東京，小夜表面上是一個十六歲少女，其實她是四百歲的半人半疆屍。小夜為了替父親和養育她成人的侍從報仇，誓要找魅源。小夜替神秘組織斬妖除魔，要求組織替她找魅源作為交換條件。過程中，小夜與美國將軍女兒結成好友，令小夜意識到自己也有人性的一面。最終小夜報唔報到仇，幹掉魅源呢？
見到武術指導係元奎，是有點期待的，不過和香港見慣見熟的打鬥場面有點不同。動作頗快，或者為了配合彊屍全身爆開的效果（絕不血腥，好CG），令全智賢的動作看來也有點失真。比較欣賞的是好多動作配合到周遭的環境、道具，做出舊日本小鎮風味。
結局有點草草收場，三兩下手勢就完了，最尾更是畫蛇添足。幸好中場那段廝殺好大陣仗，疆屍殺極都有。
據聞電影版沒有跟足原著，這點我不會理，最重要係電影版好睇。其實偶然也有驚喜，或者因為我無睇過原著。
描寫半人半疆屍的心理掙扎，令我想起最近的狼人，不過著墨不多，不至於太悶。
講講全智賢吧！韓國女星之中我最鍾意佢，所以佢差不多套套戲我都有睇（但又無睇雛菊）。睇得出佢好用心做到要求的動作，我光是看她廝殺、周圍跑已經覺得累。而且出乎我意料之外，她的日文和英文對白一點也不爛，可能她的對白都不長的關係。至於她的校服造型本來有點嚇，始終她已經28，戲內有解釋佢點解著校服的。
雖然全智賢好努力，但我都係寧願睇佢做笑片愛情片，看見她吃力不討好有點可憐，其實做動作片唔係人人得。
另外要提提小雪。以前睇「Beautiful Life」覺得佢好靚，即使近年拍Max Factor廣告，雖然木無表情，都仲係靚，點解套戲會搞到佢咁鬼樣？奸還奸，你都俾人扮靚D呀，都唔知係有心整醜佢，定係為了顯得全智賢靚D？我只可以話佢個魅源形象幾成功囉。
總括來說，此片一睇無妨，尤其如果唔想睇星空奇遇記或者未來戰士的話，放心，不會似荷里活B級疆屍片。
