第一站是天水圍濕地公園：
在訪客中心的後，會見到傳聞中的貝貝，不過我前後經過兩次佢都維持同一個冬眠姿勢：
這一天陽光普照，差點曬死我，可是我一時大意沒有選好影相模式，結果影出來的相都灰灰的：
明明天色係咁上下，嗚嗚～
這裡的荷花池幾大，不過唔係開花季節呢，想起來我沒看過盛開的荷花，必定很美吧？
這些一點點是雀仔啊！不過我用DC機，由觀鳥屋影出去只係影到咁細粒：
再來：
又來：
沿途少見色彩斑斕的花卉：
有個小小的蝴蝶園，確實見到兩三種蝴蝶，可能種植了某些花，花香吸引了蝴蝶留在這個範圍。或者唔係花香咁簡單，直頭係迷煙，因為好幾隻蝴蝶直頭企定定任影唔嬲。影得唔好咩？再影，影到滿意為止，真係一絕：
大概我也行了三小時，當初實在睇小了這個濕地公園！門票$30也是值得。
不過我發覺有不少設施也是為小朋友而設的，真係睇見都開心，可以增進自然知識，有得玩餐懞，家長又可以坐埋一邊休息，真係去一去就可以消磨一日了！各位家長網友，有機會真係要帶小朋友入去參觀下！
比較遺憾的是：(1)公園不提供地圖小冊子，令我有點迷失；(2)紀念品店賣的精品揀唔落手；(3)有個自然導賞團，不過因為我趕時間配合唔到，可以的話跟住行，應該可以睇得更多，知得更多！
溫馨提示：自備望遠鏡就唔怕睇唔清楚，閒日去就更加唔駛同人迫，但注意逢星期二休息。
