從馬莎側邊上雲咸街，轉彎後第一個門口是M at the Fringe，Main Course $130，唔係呢間。
再向前行便見Roof Garden，對了！行上黑麻麻的樓梯後，原來樓底好高，好開揚呢！
入口的四周一邊是梳化，一邊是Cashier加水吧，一邊是普通桌椅，一邊放自助沙律吧。
側邊有兩間房，另一邊可以行出去坐，樓上應該還有花園，都有桌椅和太陽傘。
外面似乎無位了，我們坐了梳化，噢！好矮呢！害我像個小朋友！
這裡的Lunch是：A＝沙律吧＋湯／甜品＋飲品（$90）；B＝A＋主菜（$115）。不收加一。
看了看A，我們也有點擔心，便要B。不要問我C是什麼，我們無睇。
基本上，除了主菜侍應會羅來，什麼也是出去自取的，但飲品水吧會幫你整，而且無限添飲！
遺憾的是有湯就無甜品，而我們也寧願食甜品...
菜似乎煲了好耐，青瓜竟然在我口裡化開～是我吃食太慢嗎？很快就不熱。
這是我的自取沙律，其實不止這些，但我只吃這些。
留意桌上的宣傳品，沙律星期一至五是不同口味的，計有歐洲、意大利、泰國、亞洲和印度。這天是意大利，但意大利o係邊呢？我唔知，我淨係知我只羅了這些，而朋友話唔飽，羅了好多次...不過我估素食朋友也許會很高興。
主菜我要了三文魚，有點鹹。朋友要了雞扒，佢話諗唔到幾好味。另有一款係咖哩豬肉。
簡單來說，這一餐絕對是清腸胃，結果我竟然三點就肚餓了...大條道理落去買Black Tea Latte。
雖然食物不是很對口味，但我其實頗喜歡這裡的環境。我和朋友說我要在這種環境擺婚宴。
朋友話睇我個樣都知我唔會擺酒，我話咁又唔係，如果對方家長想，我唔會反對的。
我只是唔鍾意跟遊戲規則，一晚換N次衫，但無時間食o野，又無時間同朋友傾計，做Show咩？
不過當然有排我都未需要擔心呢個問題，有需要時什麼形式相信都不重要。
地址：中環下亞厘畢道2號藝穗會一樓
