入場當然是為了睇Johnny Depp，也為了Marion Cotillard，可惜套戲真係麻麻地。
故事背景係美國大蕭條時期，Johhy Depp飾演的銀行悍匪和同黨四處犯案，即使被補也能輕易逃獄。後來認識了Marion Cotillard，願意跟他遠走高飛。Christian Bale飾演的探員獲委任輯捕這命頭號重犯，最終到底贏的是兵還是賊？
據朋友所講，這對兵賊是真有其人的，而且兵比戲中奸狡得多。不過我們也有點失望。本以為有多些打劫戲，但對不起，這不是Ocean's Eleven，沒有描寫策劃犯案；本以為有多些鬥智鬥力的追捕戲，但對不起，這不是Catch Me If You Can，沒有鬥智追捕，也沒有那份幽默感。
咁套戲講咩？好大篇幅都是兵捉賊，捉唔到，賊又犯案，不斷重覆，但拖得太長了。中間有一場槍戰，我竟然睡著了！我承認我係有點眼o訓，而且今天我發現原來一無對白我就好易o訓著。問返朋友，佢話場槍戰好亂，淨係睇到Johnny Depp，反正知道結果就可以了。
此片長達140分鐘，實在過長，如果唔係Johnny Depp，或者會更難受。去到結局我們亂估一通，以為有o野，原來又唔係，最後竟然咁收場。我期待的浪漫情節只係蜻蜓點水，實在唔知男女主角做咩咁愛對方。
劇本出了問題，可幸演員都表現不俗。Johnny Depp唔駛講啦，一個字：型！Christian Bale我不嬲覺得麻麻地，今次合格啦，但間唔中都會「懶」型，天呀！你同全球公認型男拍片，就不要扮型啦！Marion Cotillard美豔動人，法國口音無晒，只可惜無乜發揮機會，幸好未至於淪為花瓶。
另外一些小情小節描寫還是精彩的，例如Johnny Depp同個市民講我o地只係打劫銀行，叫佢收返埋D錢；為女人質蓋上大衣；將連累同黨枉死的同黨一腳伸落車；光天白日走入警局；Christian Bale抱起Marion Cotillard；律師在庭上引控方入局等等。
服裝、場景、造型設計也是不錯的，要怪只怪劇本，甚至導演的功力，白白浪費了個Cast。
