Mr. J提議去南燒北鍋。南燒北鍋係太興集團的，日頭做燒味茶餐廳，夜晚就做打邊爐。
Mr. J說南燒北鍋好味好服務，我不會反對的，萬一有咩不滿我會賴佢XDDD
因為等J未落單，侍應已經催促我哋自己揀料撈醬，點知有人落料落到完全掩蓋咗個豉油…
湯底Mr. J話食過招牌一品鍋好味，裡面有雞腳、豬骨、粉腸、鹹酸菜、蕃茄、粟米、豬皮。
J說搭車來我哋火速入單，先有雪花肥牛粒和三文魚刺身（不是打邊爐），肥牛真係有些肥。
然後是四寶丸（包括墨魚滑、鯪魚滑、豬肉丸和鮮蝦滑）和鱔片（感謝V玉手示範）：
跟住係牛輾和手打鮮蝦滑。手打鮮蝦滑上面是蝦膠下面是油炸鬼，經我哋多番測試，發覺無辦法煮熟蝦膠的同時又保持油炸鬼脆口，算係有些失望。
之後是鵝腸和招牌手捲響鈴。響鈴是炸過的腐竹捲埋，好似炸魚皮咁灼一灼就食得，食落似生根，但唔油。睇網上介紹，響鈴仲係即叫即炸，唔怪之得咁好味。
之後是三催四請的菜和後加的帶子：
本來會送砵仔糕，可惜送晒，無得試。
埋單$900，即一人$225。多得V心水清，睇出隔離枱的一碟魚片頭入咗我哋數，Yeah！
總括來講，味道不錯，服務周到，侍應會不時來「畢」走湯底表面的油、加湯、換碟，抵讚！
地址：灣仔皇后大道東109-111號智群商業中心1樓及地下1號舖
