南台灣之旅(19)－旗津

來到旅程最後一天了，第一個景點是旗津。旗津是高雄市區對岸一個島。要到旗津，可以到鼓山渡輪站，搭船幾分鐘就到，最有趣的地方是電單車和單車都可以上船。要到鼓山渡輪站，搭捷運到西子湖站還要走15分鐘，如有興趣去，建議問問酒店搭巴士去，可以直接在碼頭落車。

落船後，我們在碼頭租了單車。據單車舖老闆介紹，如要遊覽旗津所有景點，走路要五六小時，踩單車要兩三小時。租車好似是200台幣一日（真係唔記得），我見有人踩住單車搭船，唔知係咪踩去西子灣再踩返入來。

拿著單車舖提供的地圖，我們先上旗後山去旗後燈塔和旗後炮台，注意單車不能上，可以鎖住。

旗後燈塔：



旗後砲台：



從旗後砲台影落山下，一間間不同顏色的屋仔好趣緻：



落山後，我們踩單車，經過星空隧道，遊人啪手指發出響聲，隧道頂部會有圖案。

然後沿著海岸線，一直後反方向的風車公園去。中間的所謂景點無特別，主要是看海。



不少人來釣魚啊！



來到海岸線圍晒板，我們以為風車公園維修添！



轉返出馬路那邊再繼續前去，原來風車公園還在！這邊的浪很大，不時打到岸上。



踩足三個鐘，我們還了單車，返回海產街揀間海鮮餐廳食午飯。

我們只有兩個人，都唔知食咩好，就由侍應介紹：







味道不錯，份量也剛剛好，不過墾丁更抵食。