話說朋友V小姐同我一樣係為食一族，她會為了美食不辭勞苦，長途跋涉都去試食。
早幾個月前，我在網上見到有人讚這間利久庵，就已係經諗住搵日同佢去試。
可喜可賀的是V小姐有喜了，YEAHHHHHHHHHH！！！ 恭喜晒！！！
早幾天我們約食飯，佢話一於食呢間，但我話：「日本菜喎！你食得咩？」
佢話：「咁我可以唔食生冷o野呀嗎！」
天真的我竟然相信這個世紀大話！
V小姐大著肚子出現時，不足半分鐘便敲定要食吞拿魚碎飯！
我話：「唔得o架嗎？」佢摸摸個肚話：「唔怕o既！嘻嘻～我忍了好耐啦！係咪呀BB？」
就係咁我成為了幫兇！V老公，唔關我事呀！我喝住佢啦！喝佢唔掂！
癲完了，大家睇睇餐廳格局，好簡約，好日本，連師傅也似是日本人，當然這不代表什麼。
大肚婆食的吞拿魚碎飯套餐：
我最愛食魚生粒飯，這間做得不錯啊！沙律的和風汁好好味！好醒胃！
我到達店子時，店內頗多空位，令我有點擔心。幸好真的不錯呢！
因為是午市套餐，大約都是$100，夜市肯定不是這個價錢了。
最後侍應竟然問我們要咖啡還是雪糕，V說要雪糕，只肯讓步不要綠茶味而要芝麻味...
還要恐怖的索我的咖啡味！令我諗起鬼舔叉燒呀！罪過罪過！
地址：尖沙咀棉登徑17-23號地下（近尖東站P3出口，注意：下午2:30最後落單，3:00落場）
