餐廳名係有點噁心，感覺不太可靠，其實係因為佢主打三文魚的關係。
預先訂了位，講明要個寧靜的位，結果給我一個廁所轉出來，像臨時搭建的位，一度想去第二度食算了。點知朋友搞錯地點，讓我等了好耐。我明白星期日好多人，問題係我訂位就係想坐好少少，否則唔需要訂位啦！大家無理由唔知我唔係友善的人，而我亦肯定我塊面幾黑下（雖則餐廳已經夠黑），一入去我已經話要另一個位，經理開頭叫我坐餐廳正中間兩人枱（左右也有人，咪仲嘈？），結果半個鐘後安排到我坐卡位，朋友也剛好來了，總算讓我消消氣。
打開餐牌，一點也不便宜，或者應該說這個港式西餐廳格局唔值咁貴，但既來之則安之。
先來餐飽，除了常見的牛油，也有三文魚醬點。
朋友的忌廉湯，極普通。
不是Cappuccino，是我的泡沬煙三文魚忌廉湯，味道有點特別，說不出係咩味。
朋友的牛扒，佢話好味。
我的羊扒加田螺，掙扎在減肥中，塞了部分給朋友。
說著說著，來到餐飲，朋友話酸到死，我覺得咪同平時飲的差唔多？
朋友的雪糕，這個威化餅Classic到呢…
我的香蕉班戥，賣相有點弱，味道一般。
整體都算好食，特別一提，佢有特式甜品，都幾多選擇，但要另外加錢。
埋單一位$200有找，但同小學同學聚舊是無價的！（好爛啊～）
地址：油麻地彌敦道438號鄧氏大廈地下（榕樹頭對面）
電話：2388 7208（還是訂位比較好）
